क्रव्यात्पूगैः पुष्कराण्यनकानां
प्रत्याशाभिर्मेदसो दारितानि ।
आभीलानि प्राणिनः प्रत्यवस्य-
न्कालो नूनं व्यददावाननानि ॥

मल्लिनाथः क्रव्यादिति ॥ क्रव्यमदन्तीति क्रव्यादो मांसभक्षकाः कङ्कगृध्रादयः । `क्रव्ये च` (अष्टाध्यायी ३.२.६९ ) इति विट् प्रत्ययः । तेषां पूगैः कर्तृभिः मेदसो वसायाः। `मेदस्तु वपा वसा` इत्यमरः । प्रत्याशाभिस्तृष्णाभिर्दारितानि मेदस्वित्वभ्रान्त्या पाटितान्यानकानां तूर्याणां पुष्कराणि मुखानि । `पुष्करं करिहस्ताग्रे वाद्यभाण्डमुखेजले` इत्यमरः । प्राणिनः करितुरगादीन् प्रत्यवस्यन्नभ्यवहरन् । `अभ्यवहारः प्रत्यवसनं भोजनं जग्धिः` इति हलायुधः । कालोऽन्तकः आभीलानि भयंकराणि । `आभीलं भीमकृच्छ्रयोः` इति विश्वः । आननानि व्याददौ विददार । `आङो दोऽनास्यविहरणे` (अष्टाध्यायी १.३.२० ) इत्यस्य प्रत्युदाहरणमेतत् । यानि विदारितानि पुष्कराणि तान्येवाननानि । नूनमित्युत्प्रेक्षायाम्

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
क्र	व्या	त्पू	गैः	पु	ष्क	रा	ण्य	न	का	नां
प्र	त्या	शा	भि	र्मे	द	सो	दा	रि	ता	नि
आ	भी	ला	नि	प्रा	णि	नः	प्र	त्य	व	स्य
न्का	लो	नू	नं	व्य	द	दा	वा	न	ना	नि

Other texts to read

महाभारतम् वेदव्यासः

भट्टिकाव्यम् भट्टिः

About

Resources

Connect