आतन्वद्भिर्दिक्षु पत्राग्रनादं
प्राप्तैदूरादाशु तीक्ष्णैर्मुखाग्रैः ।
आदौ रक्तं सैनिकानामजीवै-
र्जीवैः पश्चात्पत्रिपूगैरपायि ॥

मल्लिनाथः आतन्वद्भिरिति ॥ दिक्षु पत्राग्रनादं पक्षान्तघोषं आतन्वद्भिर्विस्तृणद्भिः दूरादाशु प्राप्तैरागतैः अजीवैरचेतनैः । पचाद्यजन्तेन नञ्समासः । पत्रिपूगैः । बाणव्रातैरित्यर्थः । तीक्ष्णैर्मुखाग्रैः करणैः सैनिकानां रक्तमपायि पीतम् । पिबतेः कर्मणि लुङ् । `आतो युक्क्रिण्कृतोः` (अष्टाध्यायी ७.३.३३ ) इति युगागमः । पश्चाजीवैश्चेतनैः पत्रिपूगैः पक्षिसङ्घैः कर्तृभिस्तीक्ष्णैः मुखाग्रैश्चपुटैः करणैरपायि । अत्रोभयेषां पत्रिणां प्रकृतत्वात्केवलप्रकृतविषयः श्लेषः

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
आ	त	न्व	द्भि	र्दि	क्षु	प	त्रा	ग्र	ना	दं
प्रा	प्तै	दू	रा	दा	शु	ती	क्ष्णै	र्मु	खा	ग्रैः
आ	दौ	र	क्तं	सै	नि	का	ना	म	जी	वै
र्जी	वैः	प	श्चा	त्प	त्रि	पू	गै	र	पा	यि
म			त			त			ग	ग

Other texts to read

महाभारतम् वेदव्यासः

नैषधीयचरितम् श्रीहर्षः

About

Resources

Connect