वृत्तं युद्धे शूरमाश्लिष्य काचि-
द्रन्तुं तूर्णं मेरुकुञ्जं जगाम ।
त्यक्त्वा नाग्नौ देहमेति स्म याव-
त्पत्नी सद्यस्तद्वियोगासमर्था ॥

मल्लिनाथः वृत्तमिति ॥ काचिदमरनारी युद्धे वृत्तं मृतम् । `वृत्तोऽतीते दृढे ख्याते वर्तुलेऽपि वृते मृते` इति विश्वः । शूरमाश्लिष्य रन्तुं तूर्णं मेरोः कुञ्जं गह्वरं जगाम । यावत्तद्वियोगासमर्था तद्विरहासहा पत्नी सद्योऽग्नौ देहं त्यक्त्वा नैति स्म नाजगाम । अत्र मेरुकुञ्जासंबन्धेऽपि संबन्धोक्तेरतिशयोक्तिः

छन्दः शालिनी [११: मततगग]

छन्दोविश्लेषणम्