कश्चिन्मूर्च्छामेत्य गाढप्रहारः
सिक्तः शीतैः शीकरैर्वारणस्य ।
उच्छ्वास प्रस्थिता तं जिघृक्षु-
र्व्यर्थाकूता नाकनारी मुमूर्च्छ ॥

मल्लिनाथः कश्चिदिति ॥ गाढः प्रहारो यस्य सः कश्चिद्वीरो मूर्च्छामेत्य वारणस्य शीतैः शीकरैः पुष्करतुषारैः सिक्तः सन् उच्छश्वास उज्जीवति स्म, किंतु तं मूर्च्छामागतं जिघृक्षुर्ग्रहीतुमिच्छुः । ग्रहेः सन्नन्तादुप्रत्ययः । प्रस्थिता । तं वरीतुमागतेत्यर्थः । नाकनारी व्यर्थाकूता तदुज्जीवनाद्विफलमनोरथा सती मुमूर्च्छ । अत्राकूतवैयर्थ्यस्य विशेषणगत्या नाकनारीमूर्छाहेतुत्वात्काव्यलिङ्गं मूर्च्चासंबन्धातिशयोक्त्या संकीर्यते

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
क	श्चि	न्मू	र्च्छा	मे	त्य	गा	ढ	प्र	हा	रः
सि	क्तः	शी	तैः	शी	क	रै	र्वा	र	ण	स्य
उ	च्छ्वा	स	प्र	स्थि	ता	तं	जि	घृ	क्षु
र्व्य	र्था	कू	ता	ना	क	ना	री	मु	मू	र्च्छ
म			त			त			ग	ग

Other texts to read

किरातार्जुनीयम् भारविः

कुमारसंभवम् कालिदासः

About

Resources

Connect