पौनः पुन्यादस्रगन्धेन मत्तो
मृद्गन्कोपाल्लोकमायोधनोर्व्यां ।
पादे लग्नमत्र मालामिभेन्द्रः
पाशीकल्पामायतामाचकर्ष ॥

मल्लिनाथः पौनःपुन्यादिति ॥ अत्र आयोधनोार्व्यां युद्धभूमौ पौनःपुन्यात् । पुनःपुनरावृत्तेरित्यर्थः । ब्राह्मणादित्वात्व्यञ्प्रत्ययः । अव्ययानां भमात्रे टिलोपस्य सायंप्रातिकाद्यर्थमुपसंख्यानमिति टिलोपः । अस्रगन्धेन । रक्तगन्धाघ्राणादित्यर्थः । मत्त इभेन्द्रो महागजः कोपाल्लोकं जनं मृद्गन्क्षुन्दन् पादे लग्नामीषदसमाप्तां पाशीकल्पां पाशबन्धनसदृशीम् । `पाशस्त्वश्वादिबन्धनम्` इति विश्वः । `बह्वादिभ्यश्च` (अष्टाध्यायी ४.१.४५ ) इति विकल्पादीकारः । अभाषितपुंस्कत्वात् `घरूप-` (अष्टाध्यायी ६.३.४३ ) इत्यादिना ह्रस्वो न भवति । आयतां दीर्घां मालामाचकर्ष पाशीकल्पेत्यत्र तद्धितगता पूर्णापमा

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
पौ	नः	पु	न्या	द	स्र	ग	न्धे	न	म	त्तो
मृ	द्ग	न्को	पा	ल्लो	क	मा	यो	ध	नो	र्व्यां
पा	दे	ल	ग्न	म	त्र	मा	ला	मि	भे	न्द्रः
पा	शी	क	ल्पा	मा	य	ता	मा	च	क	र्ष

Other texts to read

योगवासिष्ठम् वाल्मीकिः

किरातार्जुनीयम् भारविः

About

Resources

Connect