कंचिद्दूरादायतेन द्रढीयः-
प्रासप्रोतस्रोतसान्तःक्षतेन ।
हस्ताग्रेण प्राप्तमप्यग्रतोऽभू-
दानैश्वर्यं वारणस्य ग्रहीतुम् ॥

मल्लिनाथः कंचिदिति ॥ दूरादायतेनान्तःक्षतेन विक्षतेन अत एव द्रढीयसा प्रासेन प्रोतं स्रोतो यत्र तेन हस्ताग्रेण करणेन अग्रतः प्राप्तमपि कंचिद्भटं ग्रहीतुमादातुं वारणस्थानीश्वरस्य भाव आनैश्वर्यमसामर्थ्यमभूत् । `नजः शुचीश्वर-` (अष्टाध्यायी ७.३.३० ) इत्यादिना नञ्पूर्वपदोभयपदवृद्धिः। अत्रापि आनैश्वर्यसंबन्धोक्तेरतिशयोक्तिः

छन्दः शालिनी [११: मततगग]

छन्दोविश्लेषणम्