आपस्काराल्लूनगात्रस्य भूमिं
निःसाधारं गच्छतोपाङ्मुखस्य ।
लब्धायामं दन्तयोर्युग्ममेव
स्वं नागस्य प्रापदुत्तम्भनत्वम् ॥

मल्लिनाथः आपस्कारादिति ॥ गात्रमूलमापस्कारं आपस्कारादामूलात् । आङो विकल्पादसमासः । लूनगात्रस्य छिन्नजङ्घस्य । `द्वौ पूर्वपश्चाज्जङ्घादिदेशौ गात्राऽवरे क्रमात्` इत्यमरः । अत एवावाङ्मुखस्य सतः साधारं सावलम्बनं न भवतीति निःसाधारं यथा तथा भूमिं गच्छतः । पतत इत्यर्थः । नागस्य लब्धायामं प्राप्तदैर्घ्यम् । आयतमित्यर्थः । स्वं स्वकीयं दन्तयोर्युग्ममेवोत्तम्भनत्वमवलम्बनत्वं प्रापत् । जङ्घाच्छेदेऽपि दन्तावष्टम्भादपतित इत्यर्थः । अत्र स्वभावातिशयोक्त्तयोः संसृष्टिः

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
आ	प	स्का	रा	ल्लू	न	गा	त्र	स्य	भू	मिं
निः	सा	धा	रं	ग	च्छ	तो	पा	ङ्मु	ख	स्य
ल	ब्धा	या	मं	द	न्त	यो	र्यु	ग्म	मे	व
स्वं	ना	ग	स्य	प्रा	प	दु	त्त	म्भ	न	त्वम्
म			त			त			ग	ग

Other texts to read

भट्टिकाव्यम् भट्टिः

योगवासिष्ठम् वाल्मीकिः

About

Resources

Connect