क्रामन्दन्तौ दन्तिनः साहसिक्या-
दीषादण्डौ मृत्युशय्यातलस्य ।
सैन्यैरन्यस्तत्क्षणादाशशङ्के
स्वर्गस्योच्चैरर्धमार्गाधिरूढः ॥

मल्लिनाथः क्रामन्निति ॥ मृत्युशय्यातलस्यान्तकपर्यङ्करूपस्य । `अधःस्वरूपयोरस्त्री तलम्` इत्यमरः । ईषादण्डौ दारुविशेषौ तत्सदृशौ । आयतावित्यर्थः । दन्तिनो दन्तौ । सहसा वर्तत इति साहसिकः । `ओजःसहोम्भसा वर्तते` (अष्टाध्यायी १.४.२७ ) इति ठक् प्रत्ययः । तस्य भावात्साहसिक्यात्क्रामन् । साहसवानित्यर्थः । अन्यस्तत्क्षणादुच्चैरूर्ध्वस्य स्वर्गस्य अर्धश्चासौ मार्गश्चेति तदर्धमार्गाधिरूढ इति सैन्यैराशशङ्के उत्प्रेक्षित इत्युत्प्रेक्षा

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
क्रा	म	न्द	न्तौ	द	न्ति	नः	सा	ह	सि	क्या
दी	षा	द	ण्डौ	मृ	त्यु	श	य्या	त	ल	स्य
सै	न्यै	र	न्य	स्त	त्क्ष	णा	दा	श	श	ङ्के
स्व	र्ग	स्यो	च्चै	र	र्ध	मा	र्गा	धि	रू	ढः
म			त			त			ग	ग

Other texts to read

किरातार्जुनीयम् भारविः

नैषधीयचरितम् श्रीहर्षः

About

Resources

Connect