द्राधीयांस संहताः स्थेमभाज-
श्चारूदग्रास्तीक्ष्णतामत्यजन्तः ।
दन्ता दन्तैराहताः सामजानां
भङ्गं जग्मुर्न स्वयं सामजाताः ॥

मल्लिनाथः &#३२; द्राधीयांस इति ॥ दाधीयांसो दीर्घतराः । प्रियस्थिर(अष्टाध्यायी ६.४.१५७ ) इत्यादिना दीर्घस्य ईयसुनि द्राघादेशः । संहताः सुघटिताः अत एव स्थेमभाजः स्थैर्यभाजः । `प्रियस्थिर-` (अष्टाध्यायी ६.४.१५७ ) इत्यादिना स्थिरशब्दस्येमनिचि स्थादेशः । चारवो रम्या उदग्रा उन्नताश्च ते चारूदग्राः । विशेषणसमासः । तीक्ष्णतां नैशित्यं अत्यजन्तः सामजानां गजानां दन्ता दन्तैः प्रतिगजविषाणैराहताः सन्तो भङ्गं भेदं जग्मुः बभञ्जु: । सामजाता दन्तिनस्तु स्वयं भङ्गं पराजयं न जग्मुः। दन्तभङ्गेऽपि स्वयं न परावर्तन्त इत्यर्थः । अत्रापरावर्तित्वेन वर्ण्यतया प्रकृतत्वादुपमेयानां दन्तिनामुपमानदन्तापेक्षया अभग्नत्वेनाधिक्योक्तेर्व्यतिरेकस्तुल्ययोगिताया बाधक इति गमयितव्यम्

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
द्रा	धी	यां	स	सं	ह	ताः	स्थे	म	भा	ज
श्चा	रू	द	ग्रा	स्ती	क्ष्ण	ता	म	त्य	ज	न्तः
द	न्ता	द	न्तै	रा	ह	ताः	सा	म	जा	नां
भ	ङ्गं	ज	ग्मु	र्न	स्व	यं	सा	म	जा	ताः

Other texts to read

महाभारतम् वेदव्यासः

भट्टिकाव्यम् भट्टिः

About

Resources

Connect