अन्योन्येषां पुष्करैरामृशन्तो
दानोद्भेदानुच्चकैभुग्नवालाः ।
उन्मूर्धानः सन्निपत्यपरान्तैः
प्रायुध्यन्त स्पष्टदन्तध्वनीभाः ॥

मल्लिनाथः अन्योन्येषामिति ॥ इभा गजाः अन्योन्येषां परस्परेषाम् । कर्मव्यतिहारे सर्वनाम्नो द्वे भवत इति वक्तव्याद्वित्वम् । `समासवच्च बहुलम्` इति विकल्पादसमासत्वपक्षे पूर्वपदस्य प्रथमैकवचनं वक्तव्यम् । उद्भिद्यन्ते एष्विति उद्भेदाः । `अकर्तरि च कारके संज्ञायाम्` (अष्टाध्यायी ३.३.१९ ) इत्यधिकरणार्थे घञ् प्रत्ययः । दानोद्भेदान्कटादिमदस्थानानि पुष्करैर्हस्ताग्रै:] । `पुष्करं करिहस्ताग्रे` इत्यमरः । आमृशन्तो जिघ्रन्त उच्चकैरुन्नता भुग्नवालाः प्रह्वीकृतपुच्छाः । `बाल: केशे शिशौ मूर्खे वालो वाजीभपुच्छयोः` इति विश्वः । उन्मूर्धान उन्नतमस्तकाः सन्तः स्पष्ठदन्तध्वनि यथा तथा संनिपत्यापरान्तैः सह प्रायुध्यन्त । दिवादिकस्य युध्यतेः कर्तरि लङ् । स्वभावोक्तिः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११
अ	न्यो	न्ये	षां	पु	ष्क	रै	रा	मृ	श	न्तो
दा	नो	द्भे	दा	नु	च्च	कै	भु	ग्न	वा	लाः
उ	न्मू	र्धा	नः	स	न्नि	प	त्य	प	रा	न्तैः
प्रा	यु	ध्य	न्त	स्प	ष्ट	द	न्त	ध्व	नी	भाः

Other texts to read

भट्टिकाव्यम् भट्टिः

किरातार्जुनीयम् भारविः

About

Resources

Connect