सद्वंशत्वादङ्गसंसङ्गिनीत्वं
नीत्वा कामं गौरवेणाबबब्द्धा ।
नीता हस्तं वञ्चयित्वा परेण
द्रोहं चक्रे कस्यचित्स्वा कृपाणी ॥

मल्लिनाथः सदिति ॥ सद्वंशत्वाच्छुद्धाकरत्वात्कुलीनत्वाच्चाङ्गसंसङ्गिनीत्वमङ्गसंबन्धित्वं नीत्वा । अगुणत्वविवक्षायां `स्वतलोर्गुणवचनस्य` ( वा) इति न पुंवद्भावः । कामं गौरवेणादरेणावबद्धा संयता च कस्यचित्स्वा स्वकीया कृपाणी असिलता। परेणान्येन वञ्चयित्वा प्रतार्य हस्तं नीता स्वायत्तीकृता सती द्रोहं हिंसां व्यभिचारं च चक्रे कृतवती । अत्र प्रकृतकृपाणीविशेषणसाम्यादप्रकृतस्वैरिणीप्रतीतेः समासोक्तिः

छन्दः शालिनी [११: मततगग]

छन्दोविश्लेषणम्

१	२	३	४	५	६	७	८	९	१०	११
स	द्वं	श	त्वा	द	ङ्ग	सं	स	ङ्गि	नी	त्वं
नी	त्वा	का	मं	गौ	र	वे	णा	ब	ब	ब्द्धा
नी	ता	ह	स्तं	व	ञ्च	यि	त्वा	प	रे	ण
द्रो	हं	च	क्रे	क	स्य	चि	त्स्वा	कृ	पा	णी
म			त			त			ग	ग

Other texts to read

रघुवंशम् कालिदासः

श्रीमद्भगवद्गीता

About

Resources

Connect