क्षणेन च प्रतिमुखतिग्मदीधिति-
प्रतिप्रभास्फुरदसिदुःखदर्शना ।
भयङ्करा भृशमपि दर्शनीयतां
ययावसावसुरचमूश्च भूभृताम् ॥

मल्लिनाथः क्षणेनेति ॥ प्रतिमुखस्याभिमुखस्य तिग्मरश्मेरुष्णांशोः प्रतिप्रभाभिः प्रतिफलितदीप्तिभिः स्फुरद्भिर्देदीप्यमानैरसिभिः खङ्गैर्दुःखं दुष्करं दर्शन यस्याः सा।&#३२; दुर्दर्शेत्यर्थः । असावसुरचमूश्चैद्यसेना क्षणेन च भूभृतां हरिसैनिकानां भृशं भयं करोतीति भयंकरापि । `मेघर्तिभयेषु कृञः` (अष्टाध्यायी ३.२.४३ ) इति खच्प्रत्ययः । दर्शनीयतां मनोहरतामिति विरोधः । दृष्टिविषयतां ययावित्यविरोधः । अत एव विरोधाभासोऽलंकारः

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
क्ष	णे	न	च	प्र	ति	मु	ख	ति	ग्म	दी	धि	ति
प्र	ति	प्र	भा	स्फु	र	द	सि	दुः	ख	द	र्श	ना
भ	य	ङ्क	रा	भृ	श	म	पि	द	र्श	नी	य	तां
य	या	व	सा	व	सु	र	च	मू	श्च	भू	भृ	ताम्
ज			भ			स			ज			ग

Other texts to read

श्रीमद्भगवद्गीता

महाभारतम् वेदव्यासः

About

Resources

Connect