अवारितं गतमुभयेषु भूरिशः
क्षमाभृतामथ कटकान्तरेष्वपि ।
मुहुर्युधि क्षतसुरशत्रुशोणित-
प्लुतप्रधिं रथमधिरोहति स्म सः ॥

मल्लिनाथः अवारितमिति ॥ अथायुधसंनिधानानन्तरं स हरिरुभयेषु द्वयेषु । द्विविधेष्वित्यर्थः । क्षमाभृतां राज्ञां, गिरीणां च कटकान्तरेष्वपि शिबिराभ्यन्तरेषु, नितम्बावकाशेषु च भूरिशो बहुशः अवारितमप्रतिहतं गतं प्रस्थितं मुहुरसकृद्युधि क्षतानां सुरशत्रूणामसुराणां शोणितैः प्लुताः सिक्ताः प्रधयो नेमयो यस्य तम् । `चक्रधारा प्रधिर्नेमिः` इति हलायुधः । रथमधिरोहति स्म आरुरोह

छन्दः रुचिरा [१३: जभसजग]

छन्दोविश्लेषणम्

१	२	३	४	५	६	७	८	९	१०	११	१२	१३
अ	वा	रि	तं	ग	त	मु	भ	ये	षु	भू	रि	शः
क्ष	मा	भृ	ता	म	थ	क	ट	का	न्त	रे	ष्व	पि
मु	हु	र्यु	धि	क्ष	त	सु	र	श	त्रु	शो	णि	त
प्लु	त	प्र	धिं	र	थ	म	धि	रो	ह	ति	स्म	सः
ज			भ			स			ज			ग

Other texts to read

कुमारसंभवम् कालिदासः

रघुवंशम् कालिदासः

About

Resources

Connect