विनिहत्य भवन्तमूर्जितश्री-
युधि सद्यः शिशुपालतां यथार्थाम् ।
रुदतां भवदङ्गनागणाना-
ङ्करुणान्तःकरणः करिष्यतेऽसौ ॥

मल्लिनाथः इति श्रीमाघकृतौ शिशुपालवधे महाकाव्ये श्र्यङ्के दूतसंवादो नाम षोडशः सर्गः ॥ १६ ॥ विनिहत्येति ॥ ऊर्जितश्रीरधिकैश्वर्योऽसौ राजा युधि भवन्तं सद्यो विनिहत्य हत्वा रुदतां क्रन्दतां भवेदङ्गनागणानां करुणान्तःकरणः कृपाविष्टचित्तः सन् शिशुपालतां यथार्थां करिष्यते । अङ्गनागणान्प्रति तच्छिशुपालनेन निजां शिशुपालसंज्ञामन्वर्थां करिष्यतीत्यर्थः । अत्र रोदनकरुणापदार्थयोर्विशेषणगत्या क्रमात्करुणाशिशुपालनहेतुकत्वात्काव्यलिङ्गयोः संकरः । औपच्छन्दसिकं वृत्तम्

छन्दः औपच्छन्दसिक

छन्दोविश्लेषणम्

१	२	३	४	५	६	७	८	९	१०	११	१२
वि	नि	ह	त्य	भ	व	न्त	मू	र्जि	त	श्री
यु	धि	स	द्यः	शि	शु	पा	ल	तां	य	था	र्थाम्
रु	द	तां	भ	व	द	ङ्ग	ना	ग	णा	ना
ङ्क	रु	णा	न्तः	क	र	णः	क	रि	ष्य	ते	ऽसौ

Other texts to read

रामायणम् वाल्मीकिः

महाभारतम् वेदव्यासः

About

Resources

Connect