मलिनं रणरेणुभिर्मुहु-
र्द्विषतां क्षालितमङ्गनाश्रुभिः ।
नृपमौलिमरीचिवर्णकै-
रथ यस्याङ्घियुगं विलिप्यते ॥
मलिनं रणरेणुभिर्मुहु-
र्द्विषतां क्षालितमङ्गनाश्रुभिः ।
नृपमौलिमरीचिवर्णकै-
रथ यस्याङ्घियुगं विलिप्यते ॥
र्द्विषतां क्षालितमङ्गनाश्रुभिः ।
नृपमौलिमरीचिवर्णकै-
रथ यस्याङ्घियुगं विलिप्यते ॥
मल्लिनाथः
मलिनमित्यादि ॥ मुहुरसकृत् । रणरेणुभिर्मलिनमत एव द्विषतामङ्गनाश्रुभिः क्षालितं । नाहत्वारीन् रणान्निवर्तत इति भावः । यस्याभियुगं चरणयुगलम् । अथ रेणुक्षालनानन्तरं नृपाणां प्रणतानां राज्ञां मौलिमरीचयो मुकुटमणिरश्मयस्तैरेव वर्णकैर्विलेपनैश्चन्दनैः । `चन्दने चापि वर्णकम्` इति विश्वः । विलिप्यते विशेष्यते । अत्राङ्घ्रियुगस्य विशेषणमहिम्ना स्नातानुलिप्तपुरुषसाम्यप्रतीतेः समासोक्तिः
छन्दः
वियोगिनी []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| म | लि | नं | र | ण | रे | णु | भि | र्मु | हु | |
| र्द्वि | ष | तां | क्षा | लि | त | म | ङ्ग | ना | श्रु | भिः |
| नृ | प | मौ | लि | म | री | चि | व | र्ण | कै | |
| र | थ | य | स्या | ङ्घि | यु | गं | वि | लि | प्य | ते |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.