मल्लिनाथः
विजितेति ॥ असौ महीपतिश्चैद्यः मुदितः सन् विजितक्रुधं मैत्रीसंबन्धान्निरस्तक्रोधं महतां महीभृतां राज्ञां महितं पूजितम् । `गतिबुद्धि-` (अष्टाध्यायी ३.२.१८८ ) इत्यादिना वर्तमाने क्तः । तद्योगे षष्ठी । असकृद्धहुशो जिताः संयतः आजयो येन स तम् । `समुदायः स्त्रियां संयत्समित्याजिसमिद्युधः` इत्यमरः । सप्रमदं सहर्ष त्वा त्वाम् । त्वामौ द्वितीयायाः` (८११।२३) इति त्वादेशः । पुरोऽग्रे ईक्षतां पश्यतु ॥ परुषस्तु-विजितक्रुधं संत्यक्तक्रोधं महतां महीभृतां चैद्यादीनामहितमरिमसकृज्जितश्चासौ संयतो बद्धश्च तम् । स्नातानुलिप्तवत्पूर्वकालेति समासः । `बद्धो नद्धश्च संयतः` इति वैजयन्ती । सप्रमदं सस्त्रीकं त्वामिति पदच्छेदः । असकृदीक्षताम्
छन्दः
वियोगिनी []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| वि | जि | त | क्रु | ध | मी | क्ष | ता | म | सौ | |
| म | ह | तां | त्वा | म | हि | तं | म | ही | भृ | ताम् |
| अ | स | कृ | ज्जि | त | सं | य | तं | पु | रो | |
| मु | दि | तः | स | प्र | म | दं | म | ही | प | तिः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.