मल्लिनाथः
समरेष्विति ॥ किंच समरेषु रिपून्विनिघ्नता । अतिशूरेणेत्यर्थः । शिशुपालेन समेत्यैक्यं प्राप्य संप्रति सुचिरं बहुकालं सत्वतः अपत्यानि पुमांसः सात्वता यादवाः । `उत्सादिभ्योऽञ्` (४।११८६)। तैः सर्वैः सर्वसात्वतैः सह विश्वस्तविलासिनीजनः शिशुपालभयनिवृत्त्या विश्रब्धविलासिनीजनो भव । `समौ विश्रम्भविश्वासौ` इत्यमरः । परुष -रिपुघातिना शिशुपालेन सह समरेषु समेत्य संगत्य संप्रत्येव सर्वसात्वतैः सह विश्वस्तविलासिनीजनो भव । `विश्वस्ताविधवे समे` इत्यमरः । `आदितश्च` (अष्टाध्यायी ७.२.१६ ) इति चकारादनुक्तसमुच्चयार्थाच्छ्वसेर्निष्ठायामिट्प्रतिषेधः । शिशूनामनुद्धतानामेवायं पालयिता नोद्धतानामिति सर्वथा यादवानद्यैव हनिष्यतीति भावः
छन्दः
वियोगिनी []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| स | म | रे | षु | रि | पू | न्वि | नि | घ्न | ता | |
| शि | शु | पा | ले | न | स | मे | त्य | सं | प्र | ति |
| सु | चि | रं | स | ह | स | र्व | सा | त्व | तै | |
| र्भ | व | वि | श्व | स्त | वि | ला | सि | नी | ज | नः |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.