मल्लिनाथः
चलितेति ॥ रभसाद्धर्षादुपागतं प्राप्तं तं चैद्यं त्वं पुरश्चलितानकदुन्दुभिः पुरोगतवसुदेवः । `वसुदेवोऽस्य जनकः स एवानकदुन्दुभिः` इत्यमरः । सबलो बलभद्रसहितः । सारणेन सारणाख्येन पुत्रेण सह ससारणः सगदः गदाख्येनानुजेन सहितः समितौ सभायां संप्रतिपत्तुं संभावयितुमर्हसि । सर्वबन्धुसमेतः प्रत्येतुमर्हसीत्यर्थः ॥ परुषस्तु–समितौ समरे रभसाद्वेगादुपागतं `रभसो वेगहर्षयोः । समितिः समरे साम्ये सभायामपि संगता` इत्युभयत्रापि विश्वः । तं चैद्यं पुरतश्चलिता आनकाः पटहाः, दुन्दुभयो भेर्यश्च यस्य सः । `आनकः पटहोऽस्त्री स्यात्भेरी स्त्री दुन्दुभिः पुमान्` इत्यमरः । सबलः ससैन्यः । सगदः गदया कौमोदक्या सहितः सन् सहसा झटिति रणेन युद्धेन संप्रतिपत्तुमभियोक्तुमर्हसि । अत्रापि शब्दार्थश्लेषसंकरः
छन्दः
वियोगिनी []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| च | लि | ता | न | क | दु | न्दु | भिः | पु | रः | |
| स | ब | ल | स्त्वं | स | ह | सा | र | णे | न | तम् |
| स | मि | तौ | र | भ | सा | दु | पा | ग | तः | |
| स | ग | दः | सं | प्र | ति | प | त्तु | म | र्ह | सि |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.