मल्लिनाथः
किमित्यादि ॥ हे नृपाः, अमीभिः पञ्चभिरुपपतिसुतैः समं जारजैः सह । पाण्डवानां क्षेत्रजत्वादित्थं प्रलापः । अनया स्थविरराजकन्यया क्षत्रियाङ्गनया च सह । `कन्या कुमारिकानार्योः` इति विश्वः । भीष्मस्योर्ध्वरेतस्कत्वेन निन्दा । वध्यं वधार्हम् । अराज्ञो राजार्हणग्रहणापराधादिति भावः । अराजत्वं व्यनक्ति-अमुं भुजिष्यं किंकरम् । कंसपशुपालनादिति भावः । `भुजिष्यः किंकरो मतः` इति `अहंकाराद्धारित`.&#३२; हलायुधः । किं नाभिहत किमिति न मारयत । किंत्वभिहतेत्यर्थः । हन्तेर्वधार्थे लोट् । `लोटो लङ्कत्` (अष्टाध्यायी ३.४.८५ ) इति थस्य तादेशः । `अनुदात्तोपदेश-` (अष्टाध्यायी ६.४.३७ ) इत्यादिनानुनासिकलोपः । अहो अतिवध्योऽपि न हन्यत इत्याश्चर्ये । अत्रामर्षानुभावो वागारम्भः । `क्रोधः कृपापराधेषु स्थिरोऽमर्ष इतीर्यते` इति
छन्दः
उद्गता []
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ | १३ |
|---|---|---|---|---|---|---|---|---|---|---|---|---|
| कि | म | हो | नृ | पाः | स | म | म | मी | भि | |||
| रु | प | प | ति | सु | तै | र्न | प | ञ्च | भिः | |||
| व | ध्य | म | भि | ह | त | भु | जि | ष्य | म | मुं | ||
| स | ह | चा | न | या | स्थ | वि | र | रा | ज | क | न्य | या |
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.