मल्लिनाथः
एक इति ॥ सुन्वतां सोमाभिषवं कुर्वताम् । सोमयाजिनामित्यर्थः । सुनोतेर्लटः शत्रादेशः । सुसखा सत्सहायः । `न पूजनात्` (अष्टाध्यायी ५.४.६९ ) इति समासान्तप्रतिषेधः । एषः शौरिरेक एवेत्यभिनयादिव तद्व्यञ्जकचेष्टां कृत्वेवेत्युत्प्रेक्षा । `व्यञ्जकाभिनयौ समौ` इत्यमरः । भूर्देवयजनभूमिः । चषालो यूपकटकः । `चषालो यूपकटकः` इत्यमरः । तेन तुलितं । समीकृतमित्यर्थः । तुलयतेः `तत्करोति` (ग०) इति ण्यन्तात्कर्मणि क्तः । तदङ्गुलीयकमूर्मिका यस्य तम् । अङ्गुलीयकोपमानचषालमित्यर्थः । `अङ्गुलीयकमूर्मिका` इत्यमरः । `जिह्वामूलाङ्गुलेश्छः` (अष्टाध्यायी ४.३.६२ ) इति भावे छप्रत्ययः । उच्चकैरुन्नतं यूपं पशुबन्धनदारुविशेषं रूपकं स्वरूपं यस्य तं भुजमनीनमदुन्नमितवती । नमेर्णौ चङि सन्वत्कार्थम् । अत्र सापेक्षत्वादुपमोत्प्रेक्षयोः संकरः
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| ए | क | ए | व | सु | स | खै | ष | सु | न्व | तां |
| शौ | रि | रि | त्य | भि | न | या | दि | वो | च्च | कैः |
| यू | प | रू | प | क | म | नी | न | म | द्भु | जं |
| भू | श्च | षा | ल | तु | लि | ता | ङ्गु | ली | य | कम् |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.