नैक्षतार्थिनमवज्ञया मुहु-
र्याचितस्तु न च कालमाक्षिपत् ।
नादिताल्पमथ न व्यकत्थय-
द्दत्तमिष्टमपि नान्वशेत सः ॥
नैक्षतार्थिनमवज्ञया मुहु-
र्याचितस्तु न च कालमाक्षिपत् ।
नादिताल्पमथ न व्यकत्थय-
द्दत्तमिष्टमपि नान्वशेत सः ॥
र्याचितस्तु न च कालमाक्षिपत् ।
नादिताल्पमथ न व्यकत्थय-
द्दत्तमिष्टमपि नान्वशेत सः ॥
मल्लिनाथः
नैक्षतेति ॥ स राजा अर्थिनं याचकं मुहुरवज्ञया अनादरेण नैक्षत । तर्हि विलम्बितं किं, नेत्याह-याचितस्तु प्रार्थित एव कालं नाक्षिपन्न यापयामास । याचकबहुत्वात् । तर्ह्यल्पदाता नेत्याह-अल्पमपि नादित न ददौ । किंतु यथार्थिकाममिति भावः । ददातेर्लुङि तङि `स्थाघ्वोरिच्च` (अष्टाध्यायी १.२.१७ ) इतीकारः `ह्रस्वादङ्गात्` (अष्टाध्यायी ८.२.२७ ) इति सलोपः । तर्हि विकत्थनः किं, नेत्याह-न व्यकत्थयदात्मश्लाघां न चकार । `कत्थ श्लाघायाम्` । किंच इष्टं प्रियमपि दत्तं वस्तु नान्वशेत नानुतप्तवान् । दत्तानुतापस्यातिप्रत्यवायहेतुत्वादिति भावः । अत्रार्थिसंदोहयाञ्चादिबाहुल्यरूपकारणसामग्र्येऽपि विलम्बादिकार्यानुत्पत्तेर्विशेषोक्तिरलंकारः । `तत्सामग्र्यादनुत्पत्तिर्विशेषोक्तिर्निगद्यते` इति लक्षणात् । तथा दातुः सात्विकत्वं व्यज्यत इत्यलंकारेण वस्तुध्वनिः
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| नै | क्ष | ता | र्थि | न | म | व | ज्ञ | या | मु | हु |
| र्या | चि | त | स्तु | न | च | का | ल | मा | क्षि | पत् |
| ना | दि | ता | ल्प | म | थ | न | व्य | क | त्थ | य |
| द्द | त्त | मि | ष्ट | म | पि | ना | न्व | शे | त | सः |
| र | न | र | ल | ग | ||||||
About
Sanskrit Sahitya is a free, open-access digital library of classical Sanskrit literature with AI-powered tools and translations.