मल्लिनाथः
स इति ॥ पाको नाम कोऽपि राक्षसस्तस्य शासनः शासको हन्ता पाकशासनः इन्द्रस्तेन समानं शासनं तुल्याज्ञा यस्य स इत्यर्थः । स राजा स्वहस्तेन कृतं लिखितं चिह्न स्वनामलेखनादिलाञ्छनं येषु तानि शासनानि नियमपत्राणि यस्य सः। दत्तस्वहस्तलेखाङ्कितशासनः सन्नित्यर्थः । आ शशाङ्कतपनार्णवस्थितेः शशाङ्कतपनार्णवानभिव्याप्य । आकल्पमित्यर्थः । अभिविधावाङ् । `आङ्रमर्यादाभिविध्योः` (अष्टाध्यायी २.१.१३ ) इति विकल्पादसमासः । भूयसीर्भुवो देयभूमीः विप्रसाद्विप्राधीनाः । `देये त्रा च` (अष्टाध्यायी ५.४.५५ ) इति चकारत्सातिप्रत्ययः । अकृत कृतवान् । दत्तवानित्यर्थः । कृञो लुङि तङ् `उश्च` (अष्टाध्यायी १.२.१२ ) इति सिचः कित्त्वात् `ह्र्स्वादङ्गात्` (अष्टाध्यायी ८.२.२७ ) इति सकारलोपो गुणाभावश्च । पाकशासनसमानशासन इत्युपमानुप्रासयोः संसृष्टिः
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| स | स्व | ह | स्त | कृ | त | चि | ह्न | शा | स | नः |
| पा | क | शा | स | न | स | मा | न | शा | स | नः |
| आ | श | शा | ङ्क | त | प | ना | र्ण | व | स्थि | तो |
| र्वि | प्र | सा | द | कृ | त | भू | य | सी | र्भु | वः |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.