मल्लिनाथः
निर्जितेति ॥ नाकः स्वर्ग एषामस्तीति नाकिनो देवाः अखिलानां महार्णवौषधीनां महार्णवमन्थनसमये उत्थितानां दिव्यौषधिलतानां स्यन्दो मन्थनान्निःसृतो रसः तस्य सारो मृष्टांशः। अमृतमिति यावत् । स निर्जितो येन तत् । अमृतादपि स्वाद्वित्यर्थः । अमृतं हविराख्यातम् । `अमृतं यज्ञशेषे स्यात्पीयूषे सलिले घृते` इति मेदिनी । ववल्गिरेऽभ्यवजह्नुः । `वल्ग भोजने` कर्तरि लिट् । `वल्गंं चाभ्यवहारं प्रत्यवसानं च जेमनं जग्धिः` इति हलायुधः । तस्यामृताधिक्यं व्यनक्ति । अनले हूयमानं दीयमानममृतमिति भावः । प्रतीक्षितुं कथमपि विषेहिरे सोढवन्तः । होमविलम्बं कथंचिदसहन्तेत्यर्थः । तृष्णा तु प्रागेव जिघ्रतीति रसातिशयोक्तिः । अत्र हविषोऽमृतमित्यभेदोक्त्या भेदरूपातिशयोक्तिस्तद्विशेषणपदार्थस्य वल्गनहेतुत्वात्काव्यलिङ्गभेदस्तया संकीर्यते । परिनिविभ्यः सेवसितसयसिवुसह-` (अष्टाध्यायी ८.३.७० ) इत्यादिना सहेः षत्वम्
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| नि | र्जि | ता | खि | ल | म | हा | र्ण | वौ | ष | धि |
| स्य | न्द | सा | र | म | मृ | तं | व | व | ल्गि | रे |
| ना | कि | नः | क | थ | म | पि | प्र | ती | क्षि | तुं |
| हू | य | मा | न | म | न | ले | वि | षे | हि | रे |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.