मल्लिनाथः
लजत इत्यादिभिः ॥ परोऽन्यः कश्चित्पुमान्प्रियं गदितः । प्रियवाक्यमुक्तः सन्नित्यर्थः । गदेर्दुहादित्वादप्रधाने कर्मणि क्तः । `अप्रधाने दुहादीनाम्` इति वचनात् । न लज्जते । तस्योत्सुकत्वादिति भावः । किंतु वक्तुः स्तोतुरेवाधिका त्रपा भवति । भयादिना मिथ्यास्तावकत्वादिति भावः । प्रकृते तु नैवमित्याह-तव प्रियं वदन् । त्वां स्तुवन्नित्यर्थः । व्रीडं नैति । अनन्तगुणाधारे त्वयि बहोरपि प्रियस्या मिथ्यात्वादिति भावः । किंतु स्तवनेनात्रभवता पूज्येनैव हीमता त्रपावता भूयते प्रत्युत त्वमेवात्र जिहेषीत्यर्थः । महतामनुत्सुकत्वादिति भावः । `पूज्यस्तत्रभवान्` इति सज्जनः । `इतराभ्योऽपि-` (अष्टाध्यायी ५.३.१४ ) इति सार्वविभक्तिके तसिल्प्रत्यये `सुप्सुपा` इति समासः
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| ल | ज्ज | ते | न | ग | दि | तः | प्रि | यं | प | रो |
| व | क्तु | रे | व | भ | व | ति | त्र | पा | धि | का |
| व्री | ड | मे | ति | न | त | व | प्रि | यं | व | द |
| न्ह्री | म | ता | त्र | भ | व | तै | व | भू | य | ते |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.