मल्लिनाथः
किमिति ॥ अथवा त्वत्प्रसादेन त्वदनुग्रहेण जितया जयलब्धयाऽनयाऽर्थसंपदा धनसंपदा किं विधेयं किमनुष्ठेयं विधीयतां त्वयैव क्रियताम् । अहं तु न स्वतन्त्र इत्याह-हे जगत्त्रयस्य शासक । न तु ममैवेति भावः । मां शाधि । नियुङ्क्षेत्यर्थः । शासेर्लोटि `हुझल्भ्यो हेर्धिः` (अष्टाध्यायी ६.४.१०१ ) इति धिरादेशः । `झलो झलि` (अष्टाध्यायी ८.२.२६ ) इति सकारलोपः । सहानुजः सानुजः सन् `वोपसर्जनस्य` (अष्टाध्यायी ६.३.८२ ) इति सहशब्दस्य सभावविकल्पः । भवतस्तवाश्रवो विधेयोऽस्मि । `विधेयो विनयग्राही वचने स्थित आश्रवः` इत्यमरः । अत्रानाश्रवस्याश्रवत्वसंबन्धोक्तेरतिशयोक्तिरिति दशश्लोक्याप्रियतरामतेऽतिप्रियतराख्यानात्प्रेयोऽलंकारः । `प्रेयः प्रियतराख्यानम्` इति लक्षणात् । आधुनिकास्तु भावनिबन्धने प्रेयोऽलंकार इति लक्षयन्ति । स चोन्नीतस्तत्र तत्रोन्नेष्यते च
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| किं | वि | धे | य | म | न | या | वि | धी | य | तां |
| त्व | त्प्र | सा | द | जि | त | या | र्थ | स | म्प | दा |
| शा | धि | शा | स | क | ज | ग | त्त्र | य | स्य | मा |
| मा | श्र | वो | ऽस्मि | भ | व | तः | स | हा | नु | जः |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.