मल्लिनाथः
पूर्वमिति ॥ वेति पक्षान्तरे । अथवेत्यर्थः । अङ्ग हे कृष्ण, `अथ संबोधनार्थकाः । स्युः प्याटपाडङ्ग हे है भोः` इत्यमरः । पूर्वं त्वमेव जुहुधि । यजस्वेत्यर्थः । `हुझल्भ्यो हेर्धिः` (अष्टाध्यायी ६.४.१०१ ) इति हेर्धिरादेशः । सोमपायिनि त्वयि अवभृथे यज्ञे । `दीक्षान्तोऽवभृथो यज्ञे` इत्यमरः । स्नातवति सति ततोऽनन्तरं मया वाञ्छित उत्तमो वितानः क्रतुः राजसूयाख्यः । `ऋतुविस्तारयोरस्त्री वितानं त्रिषु तुच्छके` इत्यमरः । तेन यथा याजिना भविष्यते । भावे लुट् । त्वयि इष्टवति पश्चादहं यक्ष्य इत्यर्थः । अत्र श्लोकद्वयेन हरेर्यागासंबन्धे तत्संबन्धोक्तेरतिशयोक्तिः
छन्दः
रथोद्धता [११: रनरलग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| पू | र्व | म | ङ्ग | जु | हु | धि | त्व | मे | व | वा |
| स्ना | त | व | त्य | व | भृ | थे | त | त | स्त्व | यि |
| सो | म | पा | यि | नि | भ | वि | ष्य | ते | म | या |
| वा | ञ्छि | तो | त्त | म | वि | ता | न | या | जि | ना |
| र | न | र | ल | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.