मखमाक्षितुं क्षितिपतेरुपेयुषां
परितः प्रकल्पितनिकेतनं बहिः ।
उपरुध्यमानमिव भूभृतां बलैः
पुटभेदनं दनुसुतारिरैक्षत ॥

मल्लिनाथः मखमिति ॥ क्षितिपतेर्धर्मराजस्य मखं क्र्ततुमीक्षितुमुपेयुषां ततस्तत आगतानां भूभृतां राज्ञां बलैः सैन्यैः बहिः परितः प्रकल्पितानि निर्मितानि निकेतनानि निवासा यस्य तदत एवोपरुध्यमानं शत्रुसेनावेष्ट्यमानमिव स्थितमित्युत्प्रेक्षा । पुटभेदनं पत्तनं मयकृतमिन्दप्रस्थम् । `पत्तनं पुटभेदनम्` इत्यमरः । दनुसुतारिर्दानवहन्ता हरिः पुरोऽग्रे ऐक्षतापश्यत्

छन्दः मञ्जुभाषिणी [१३: सजसजग]

छन्दोविश्लेषणम्

१	२	३	४	५	६	७	८	९	१०	११	१२	१३
म	ख	मा	क्षि	तुं	क्षि	ति	प	ते	रु	पे	यु	षां
प	रि	तः	प्र	क	ल्पि	त	नि	के	त	नं	ब	हिः
उ	प	रु	ध्य	मा	न	मि	व	भू	भृ	तां	ब	लैः
पु	ट	भे	द	नं	द	नु	सु	ता	रि	रै	क्ष	त
स			ज			स			ज			ग

Other texts to read

रामायणम् वाल्मीकिः

नैषधीयचरितम् श्रीहर्षः

About

Resources

Connect