गतयोरभेदमिति सैन्ययोस्तयो-
रथ भानुतजह्नुतनयाम्भसोरिव ।
प्रतिनादितामरविमानमानकै-
र्नितरां मुदा परमयेव दध्वने ॥

मल्लिनाथः गतयोरिति ॥ इति इत्थं गतयोः सैन्ययोः भानुजह्वतनये यमुनाजाह्नव्यौ तयोरम्भसी प्रवाहौ तयोरिवाभेदमैक्यं गतयोः सतोः । `यस्य च भावेन भावलक्षणम्` (अष्टाध्यायी २.३.३७ ) इति सप्तमी । एतेन सैन्ययोरवार्यत्वमुक्तम् । अथ सैन्यमेलनानन्तरम् । आनकैर्मङ्गलदुन्दुभिभिः परमया मुदेव हर्षेणेवेत्युत्प्रेक्षा । प्रतिनादितानि प्रतिध्वनितान्यमरविमानानि द्रष्टुमागत्याम्बरस्थितानि विमानानि देवयानानि यस्मिन्कर्मणि तद्यथा तथा नितरां दध्वने ध्वनितम् । भावे लिट्

छन्दः मञ्जुभाषिणी [१३: सजसजग]

छन्दोविश्लेषणम्

१	२	३	४	५	६	७	८	९	१०	११	१२	१३	१४
ग	त	यो	र	भे	द	मि	ति	सै	न्य	यो	स्त	यो
र	थ	भा	नु	त	ज	ह्नु	त	न	या	म्भ	सो	रि	व
प्र	ति	ना	दि	ता	म	र	वि	मा	न	मा	न	कै
र्नि	त	रां	मु	दा	प	र	म	ये	व	द	ध्व	ने
स			ज			स			ज			ग

Other texts to read

नैषधीयचरितम् श्रीहर्षः

कुमारसंभवम् कालिदासः

About

Resources

Connect