यदुभर्तुरागमनलब्धजन्मनः
प्रमदादमानिव पुरे महीयसि ।
सहसा ततः स सहितोऽनुजन्मभि-
र्वसुधाधिपोऽभिमुखमस्यनिर्ययौ ॥

मल्लिनाथः यदुभर्तुरिति ॥ ततो हरेर्यमुनोत्तरणश्रवणानन्तरं स वसुधाधिपो धर्मराजः यदुभर्तुर्हरेरागमनेन लब्धजन्मनो लब्धोदयात् । जातादित्यर्थः । प्रमदाद्धर्षात् । `प्रमदसंमदौ हर्षे` (अष्टाध्यायी ३.३.६८ ) इत्यप्प्रत्ययान्तो निपातः । महीयस्यतिविपुलेऽपि पुरे &#३२; अमान् हर्षकृतशरीरवृद्धेरिवापरिमितविकासः सन्नित्युत्प्रेक्षा । सहसा अनुजन्मभिरनुजैः सहितोऽस्य हरेरभिमुखं निर्ययौ । नगरान्निर्गत इत्यर्थः

छन्दः मञ्जुभाषिणी [१३: सजसजग]

छन्दोविश्लेषणम्

१	२	३	४	५	६	७	८	९	१०	११	१२	१३
य	दु	भ	र्तु	रा	ग	म	न	ल	ब्ध	ज	न्म	नः
प्र	म	दा	द	मा	नि	व	पु	रे	म	ही	य	सि
स	ह	सा	त	तः	स	स	हि	तो	ऽनु	ज	न्म	भि
र्व	सु	धा	धि	पो	ऽभि	मु	ख	म	स्य	नि	र्य	यौ
स			ज			स			ज			ग

Other texts to read

भट्टिकाव्यम् भट्टिः

किरातार्जुनीयम् भारविः

About

Resources

Connect