उद्धूतमुच्चैर्ध्वजिनाभिरंशुभिः
प्रतप्तमभ्यर्णतयाविवस्वतः ।
आह्लादिकह्लारसमीरणाहते
पुरः पपाताम्भसि यमुने रजः ॥

मल्लिनाथः &#३२; उद्धूतमिति ॥ ध्वजिनीभिः सेनाभिरुच्चैरुद्भूतमूर्ध्वं क्षिप्तम् । अत एव अभ्यर्णतयान्तिकतया । `उपकण्ठान्तिकाभ्यर्णा` इत्यमरः । विवस्वतोंऽशुभिः प्रतप्तम् । प्रतप्तमिवेत्यर्थः । अत एव व्यञ्जकाप्रयोगाद्गम्योत्प्रेक्षा । आह्लादिन आह्लादका ये कह्लारसमीरणाः सौगन्धिकमारुताः । `सौगन्धिकं तु कह्लारम्` इत्यमरः । तैराहते चालिते यामुने यमुनासंबन्धिन्यम्भसि पुरोऽग्रे रजो धूलिः पपात । संतप्ता हि संतापमसहमानाः पुरो धावित्वा क्वचन शिशिरे पयसि पतन्तीति भावः

छन्दः उपजातिः [११]

छन्दोविश्लेषणम्

१	२	३	४	५	६	७	८	९	१०	११	१२
उ	द्धू	त	मु	च्चै	र्ध्व	जि	ना	भि	रं	शु	भिः
प्र	त	प्त	म	भ्य	र्ण	त	या	वि	व	स्व	तः
आ	ह्ला	दि	क	ह्ला	र	स	मी	र	णा	ह	ते
पु	रः	प	पा	ता	म्भ	सि	य	मु	ने	र	जः

Other texts to read

कुमारसंभवम् कालिदासः

भट्टिकाव्यम् भट्टिः

About

Resources

Connect