दन्ताग्रनिर्भिन्नपयोदमुन्मुखाः
शिलोच्चयानारुरुहुर्महीयसः ।
तिर्यक्कटप्लाविमदाम्बुनिम्नगा-
विपूर्यमाणश्रवणोदरमं द्विपाः ॥

मल्लिनाथः दन्ताग्रेति ॥ द्वाभ्यां पिबन्तीति द्विपाः । `सुपि` (अष्टाध्यायी ३.२.४ ) इति योगविभागात्कप्रत्ययः । उन्मुखा उन्नमितमुखाः सन्तः दन्ताग्रैर्निर्भिन्ना विदारिताः पयोदाः शृङ्गगता यस्मिन्कर्मणि तद्यथा तथा तिर्यगूर्ध्वमुखत्वात्तिरश्चीनं यथा तथा कटेभ्यः प्लवन्ते क्षरन्तीति कटप्लाविनीभिः मदाम्बुनिम्नगाभिः मदजलप्रवाहैः विपूर्यमाणानि श्रवणोदराणि श्रोत्रोदराणि यस्मिन्कर्मणि तद्यथा तथा महीयसो महत्तरान् शिलोच्चयान् शैलानारुरुहुः । स्वभावोक्तिः

छन्दः इन्द्रवंशा [१२: ततजर]

छन्दोविश्लेषणम्

१	२	३	४	५	६	७	८	९	१०	११	१२	१३
द	न्ता	ग्र	नि	र्भि	न्न	प	यो	द	मु	न्मु	खाः
शि	लो	च्च	या	ना	रु	रु	हु	र्म	ही	य	सः
ति	र्य	क्क	ट	प्ला	वि	म	दा	म्बु	नि	म्न	गा
वि	पू	र्य	मा	ण	श्र	व	णो	द	र	मं	द्वि	पाः
त			त			ज			र

Other texts to read

महाभारतम् वेदव्यासः

रामायणम् वाल्मीकिः

About

Resources

Connect