द्रुततरकरदक्षाः क्षिप्तवैशखशैले
दधति दधनि धीरानारवान्वारिणीव ।
शशिनमिव सुरौघाःसारमुद्धर्तुमेते
कलशिमुदधिगुर्वी वल्लवा लोडयन्ति ॥
द्रुततरकरदक्षाः क्षिप्तवैशखशैले
दधति दधनि धीरानारवान्वारिणीव ।
शशिनमिव सुरौघाःसारमुद्धर्तुमेते
कलशिमुदधिगुर्वी वल्लवा लोडयन्ति ॥
दधति दधनि धीरानारवान्वारिणीव ।
शशिनमिव सुरौघाःसारमुद्धर्तुमेते
कलशिमुदधिगुर्वी वल्लवा लोडयन्ति ॥
मल्लिनाथः
द्रुतेति ॥ द्रुततरकरा अतिलघुहस्तास्ते च ते दक्षाश्च बल्लवा गोपालाः । `आभीरः स्यान्महाशूद्रो गोपालो बल्लवस्तथा` इति वैजयन्ती । विशाखा प्रयोजनमस्येति वैशाखो मन्थनदण्डः । `वैशाखमन्थमन्थानमन्थानो मन्थदण्डके` इत्यमरः । `विशाखाषाढादण्मन्थदण्डयोः (अष्टाध्यायी ५.१.११० ) इत्यण्प्रत्ययः । वैशाखः शैल इवेत्युपमितसमासः । साहचर्याक्षिप्तो वैशाखशैलो यस्मिन् । धीरान् गम्भीरानारवान् दधति दधनि दध्नि । `विभाषा ङिश्योः` (अष्टाध्यायी ६.४.१३६ ) इति विकल्पादल्लोपाभावः । वारिणीव सुरौघाः शशिनमिव सारं नवनीतमुद्धर्तुमुत्क्रष्टुमुदधिरिव गुर्वीम् । `उपमानानि सामान्यवचनैः` (अष्टाध्यायी २.१.५५ ) इति समासः । तां कलशिं कुम्भीमेते लोडयन्ति मथ्नन्ति । एषापि पूर्वतरवत्पूर्णा वाक्यार्थोपमा वाक्यसमाससंकीर्णा च
छन्दः
मालिनी [१५: ननमयय]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ | १३ | १४ | १५ |
|---|---|---|---|---|---|---|---|---|---|---|---|---|---|---|
| द्रु | त | त | र | क | र | द | क्षाः | क्षि | प्त | वै | श | ख | शै | ले |
| द | ध | ति | द | ध | नि | धी | रा | ना | र | वा | न्वा | रि | णी | व |
| श | शि | न | मि | व | सु | रौ | घाः | सा | र | मु | द्ध | र्तु | मे | ते |
| क | ल | शि | मु | द | धि | गु | र्वी | व | ल्ल | वा | लो | ड | य | न्ति |
| न | न | म | य | य | ||||||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.