अतुहिनरुचिनासौ केवलं नोदयाद्रिः
क्षणमुपरिगतेन क्ष्माभृतः सर्व एव ।
नवकरनिकरेण स्पष्टबन्धूकसून-
स्तबकरचितमेते शेखरं बिभ्रतीव ॥

मल्लिनाथः अतुहिनेति ॥ क्षणमुपरिगतेन स्थितेनातुहिनरुचिनार्केण केवलमसावुदयादिः पूर्वाद्रिर्न । `उदयः पूर्वपर्वतः` इत्यमरः । किंत्वेते सर्व एव क्ष्माभृतः सर्वेऽपि शैलाः क्षणमुपरिगतेनावस्थितेन नवकरनिकरेण स्पष्टैर्विकसितैः बन्धूकसूनस्तबकैर्बन्धुजीवककुसुमगुच्छैः विरचितम् । `बन्धूको बन्धुजीवकः` इत्यमरः । शेखरं शिखामाल्यम् । `शिखास्वापीडशेखरौ` इत्यमरः । बिभ्रतीवेत्युत्प्रेक्षा । न केवलमर्केणोदयाद्रिरेव बन्धूकशेखरं बिभर्ति, किंतु तत्करजालेन सर्वेऽपि पर्वतास्तथेत्यर्थः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
अ	तु	हि	न	रु	चि	ना	सौ	के	व	लं	नो	द	या	द्रिः
क्ष	ण	मु	प	रि	ग	ते	न	क्ष्मा	भृ	तः	स	र्व	ए	व
न	व	क	र	नि	क	रे	ण	स्प	ष्ट	ब	न्धू	क	सू	न
स्त	ब	क	र	चि	त	मे	ते	शे	ख	रं	बि	भ्र	ती	व
न			न			म			य			य

Other texts to read

रामायणम् वाल्मीकिः

किरातार्जुनीयम् भारविः

About

Resources

Connect