नवकनकपिशङ्गं वासराणां विधातुः
ककुभि कुलिशपाणेर्भाति भासां वितानम् ।
जनितभुवनदाहारम्भमम्भांसि दग्ध्वा
ज्वलितमिव महाब्धेरूर्ध्वमौर्वानलार्चिः ॥

मल्लिनाथः नवेति ॥ कुलिशं पाणौ यस्य स कुलिशपाणिरिन्द्रः । `ग्रहरणार्थेभ्यः परे निष्ठासप्तम्यौ भवतः` (वा०) इति पाणेः परनिपातः । एतदेवात्र व्यधिकरणबहुव्रीहेश्च ज्ञापकम् । तस्य ककुभि प्राच्यां दिशि नवकनकवत्पिशङ्गं वासराणां विधातुर्दिनकरस्य भासां वितानं करजालं महाब्धेरम्भांसि दग्ध्वा जनितभुवनदाहारम्भं कृतजगद्दाहोद्योगं सदूर्ध्वमब्धेरुपरि ज्वलितमौर्वानलार्चिर्वडवानलज्योतिरिव भातीत्युत्प्रेक्षा

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
न	व	क	न	क	पि	श	ङ्गं	वा	स	रा	णां	वि	धा	तुः
क	कु	भि	कु	लि	श	पा	णे	र्भा	ति	भा	सां	वि	ता	नम्
ज	नि	त	भु	व	न	दा	हा	र	म्भ	म	म्भां	सि	द	ग्ध्वा
ज्व	लि	त	मि	व	म	हा	ब्धे	रू	र्ध्व	मौ	र्वा	न	ला	र्चिः
न			न			म			य			य

Other texts to read

किरातार्जुनीयम् भारविः

महाभारतम् वेदव्यासः

About

Resources

Connect