कृतगुरुतरहारच्छेदमालिङ्ग्य पत्यौ
परिशिथिलितगात्रे गन्तुमापृच्छमाने ।
विगलितनवमुक्तास्थूलभाष्पाम्बुबिन्दु
स्तनयुगमबलायास्तत्क्षणं रोदितीव ॥

मल्लिनाथः कृतेति ॥ कृतो गुरुतरस्य हारस्य छेदो यस्मिंस्तत्तथा आलिङ्ग्य परिशिथिलितगात्रे शिथिलीकृताङ्गे पत्यौ भर्तरि गन्तुमापृच्छमाने आमन्त्रयमाणे सति । `आङि नुप्रच्छ्योः` (वा०) इत्युपसंख्यानादात्मनेपदम् । कर्तरि लटः शानजादेशः । तत्क्षणं तस्मिन्क्षणे । अत्यन्तसंयोगे द्वितीया । अबलायाः स्तनयुगं कर्तृ । विगलिता निःसृता नवमुक्ता नूतनमौक्तिकान्येव स्थूलबाष्पाम्बुबिन्दवो यस्मिन्कर्मणि तद्यथा तथा रोदितीव विरहासहिष्णुतया रोदनं करोतीवेत्युत्प्रेक्षा रूपकसंकीर्णा । `रुदादिभ्यः सार्वधातुके` इतीडागमः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
कृ	त	गु	रु	त	र	हा	र	च्छे	द	मा	लि	ङ्ग्य	प	त्यौ
प	रि	शि	थि	लि	त	गा	त्रे	ग	न्तु	मा	पृ	च्छ	मा	ने
वि	ग	लि	त	न	व	मु	क्ता	स्थू	ल	भा	ष्पा	म्बु	बि	न्दु
स्त	न	यु	ग	म	ब	ला	या	स्त	त्क्ष	णं	रो	दि	ती	व
न			न			म			य			य

Other texts to read

किरातार्जुनीयम् भारविः

रघुवंशम् कालिदासः

About

Resources

Connect