तदवितथमवादीर्यन्मम त्वं
प्रियजनपरिभुक्तं यद्दुकूलं दधानः ।
मदधिवसतिमागाःकामिनां मण्डनश्री-
र्व्रजति हि सफलत्वं वल्लभालोकनेन ॥

मल्लिनाथः तदिति ॥ किंच मम त्वमेव प्रियेति यदवादीरवोचः । वदेर्लुङि `वदव्रज-` (अष्टाध्यायी ७.२.३ ) इत्यादिना वृद्धिः । तदवितथं सत्यम् । कुतः । यद्यस्मात् प्रियजनेन परिभुक्तं दुकूलम् । तदीयमित्यर्थः । दधानः धारयन्नित्यर्थः । `दधान` इत्यत्र `वसानः` इति पाठे वसान आच्छादयन् । वस आच्छादनार्थाल्लटः शानजादेशः । स त्वं मदधिवसतिं मम निवासमागाः प्राप्तः । `इणो गा लुङि` (अष्टाध्यायी २.४.४५ ) । युक्तं&#३२; चैतदित्याह-कामिनां मण्डनश्रीर्वल्लभानां प्रेयसीनामालोकनेन सफलत्वं व्रजति हि । अप्रिया चेत्कथमीदृशी मे संभावनेति भावः । अर्थान्तरन्यासः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
त	द	वि	त	थ	म	वा	दी	र्य	न्म	म	त्वं
प्रि	य	ज	न	प	रि	भु	क्तं	य	द्दु	कू	लं	द	धा	नः
म	द	धि	व	स	ति	मा	गाः	का	मि	नां	म	ण्ड	न	श्री
र्व्र	ज	ति	हि	स	फ	ल	त्वं	व	ल्ल	भा	लो	क	ने	न
न			न			म			य			य

Other texts to read

रघुवंशम् कालिदासः

महाभारतम् वेदव्यासः

About

Resources

Connect