मुदितयुवमनस्कास्तुल्यमेव प्रदोषे
रुचमदधुरुभय्यः कल्पिता भूषिताश्च ।
परिमलरुचिराभिर्न्यक्कृतास्तु प्रभाते
युवतिभिरुपभोगान्नीरुचः पुष्पमालाः ॥

मल्लिनाथः मुदितेति ॥ प्रदोषे रात्रौ मुदितानि यूनां मनांसि याभिस्ताः मुदितयुवमनस्काः । `उरःप्रभृतिभ्यः कप्` (अष्टाध्यायी ५.४.१५१ ) । कल्पिता उपभोगाय संपादिता भूषिता वलयवसनादिभिरुपस्कृताश्च उभय्य उभयविधा युवतयः पुष्पमालाश्च । `उभादुदात्तो नित्यम्` (अष्टाध्यायी ५.२.४४ ) इति उभस्यायजादेशः `टिड्ढाणञ्-` (४।१। १५) इत्यादिना ङीप् । तुल्यमेवाविशेषं यथा तथा रुचं शोभामदधुर्धृतवत्यः । धाञो लिट् । प्रभाते तूपभोगान्नीरुचो निष्प्रभाः पुष्पमालाः परिमलेन विमर्दगन्धेन रुचिराभिरुपभोगादधिसुरभिभिर्युवतिभिर्न्यक्कृतास्त्यक्ता अवधीरिताश्च । अत्र पुष्पमालाभ्यो युवतीनां साम्योक्तिपूर्वकविमर्दसहत्वेनाधिक्योक्तेर्व्यतिरेकः

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
मु	दि	त	यु	व	म	न	स्का	स्तु	ल्य	मे	व	प्र	दो	षे
रु	च	म	द	धु	रु	भ	य्यः	क	ल्पि	ता	भू	षि	ता	श्च
प	रि	म	ल	रु	चि	रा	भि	र्न्य	क्कृ	ता	स्तु	प्र	भा	ते
यु	व	ति	भि	रु	प	भो	गा	न्नी	रु	चः	पु	ष्प	मा	लाः
न			न			म			य			य

Other texts to read

नैषधीयचरितम् श्रीहर्षः

किरातार्जुनीयम् भारविः

About

Resources

Connect