लुलितनयनताराः क्षामवक्त्रेन्दुबिम्बा
रजनय इव निन्द्राक्लान्तनीलोत्पलाक्ष्यः ।
तिमिरमिव दधानाः स्रंसिनः केशपाशा-
नवनिपतिगृहेभ्यो यान्त्यमूर्वारवध्वः ॥

मल्लिनाथः लुलितेति ॥ लुलितनयनताराः निद्राकलुषिताक्षिकनीनिकाः, अन्यत्राप्रसन्ननक्षत्राः । `ऋक्षाक्षिमध्ययोस्तारा` इति विश्वः । वाणीन्दुबिम्बानीवेत्युपमितसमासः । तिमिरमिवेत्यादिलिङ्गात् , अन्यत्र वाणीवेन्दुबिम्बानि तानि क्षामाणि सुरतप्रभाताभ्यां म्लानानि यासां ताः निद्रया स्वप्न मुकुलीभावेन क्लान्तानि नीलोत्पलानि अक्षीणीव नीलोत्पलानीवाक्षीणि यासां ताः स्रंसिनः केशपाशांस्तिमिरमिवान्यत्र तु तानिव तिमिरं दधानाः अत एव रजनय इव स्थिताः । अमूर्वारवध्वो वेश्याः । `वारस्त्री गणिका वेश्या` इत्यमरः । अवनिपतिगृहेभ्यो यान्ति निर्यान्ति । श्लिष्टविशेषणेयमुपमेत्येके । श्लेष एवायमुभयविषयः । उपमा तु प्रतिभामात्रसारा इत्यन्ये

छन्दः मालिनी [१५: ननमयय]

छन्दोविश्लेषणम्

१	२	३	४	५	६	७	८	९	१०	११	१२	१३	१४	१५
लु	लि	त	न	य	न	ता	राः	क्षा	म	व	क्त्रे	न्दु	बि	म्बा
र	ज	न	य	इ	व	नि	न्द्रा	क्ला	न्त	नी	लो	त्प	ला	क्ष्यः
ति	मि	र	मि	व	द	धा	नाः	स्रं	सि	नः	के	श	पा	शा
न	व	नि	प	ति	गृ	हे	भ्यो	या	न्त्य	मू	र्वा	र	व	ध्वः
न			न			म			य			य

Other texts to read

रामायणम् वाल्मीकिः

श्रीमद्भगवद्गीता

About

Resources

Connect