अप्रभूतमतनीयसि
तन्वी काञ्चिधाम्निपिहितैकतरोरु ।
क्षौममाकुलकरा विच-
कर्ष कान्तापल्लवमभीष्टतमेन ॥

मल्लिनाथः अप्रभूतमिति ॥ तन्वी कृशाङ्गी अभीष्टतमेन प्रेयसा क्रान्तपल्लवं गृहीताच्चलम् अत एवातनीयसि महीयसि काञ्चिधाम्नि जघने अप्रभूतं छादयितुमपर्याप्तम् । अत एव पिहितश्छादित एकतर एवोरुर्येन तत् क्षौमं दुकूलं आकुलकरा व्यग्रपाणिः सती विचकर्ष कृत्स्नापिधानार्थमाचकर्ष । लज्जानुभावोऽयम् । अत्र क्षौमविशेषाणामाकर्षणहेतुत्वात्पदार्थहेतुकं काव्यलिङ्गमलंकारः

छन्दः आर्यागीतिः []

छन्दोविश्लेषणम्