मल्लिनाथः
चारुतेति ॥ आसां योषितां वपुश्चारुता सौन्दर्यमभूषयत् । तां चारुतामनूननवयौवनयोगः संपूर्णयौवनसंपत्तिरभूषयत् । तं पुनर्नवयौवनयोगं तु मकरकेतनलक्ष्मीर्मदनसंपत्तिरभूषयत् । तां मकरकेतनलक्ष्मीं दयितसंगम एव भूषा यस्य स मदोऽभूषयत् । तां मदः तं च दयितसंगम इत्यर्थः । प्रक्रमानुसारात्तां मदस्तमपि वल्लभसङ्ग इति प्रयोक्तव्ये विशेषणत्वेन प्रयोगो महाकवीनामनु द्वेगात् । यथा भारवेः प्रयोगः `शुचि भूषयती`त्यादौ (किरातार्जुनीये २।३२) श्लोके `स नयाङ्कः स च सिद्धिभूषणः` इति वक्तव्ये `स नयापादितसिद्धिभूषणः` इति । अत्रोत्तरोत्तरस्य पूर्वपूर्वविशेषकत्वादेकावली । `यत्रोत्तरोत्तरेषां स्यात् पूर्वपूर्वं प्रति क्रमात् । विशेषकत्वकथनमसावेकावली मता ॥` इति लक्षणात्
छन्दः
स्वागता [११: रनभगग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ |
|---|---|---|---|---|---|---|---|---|---|---|---|
| चा | रु | ता | व | पु | र | भू | ष | य | दा | सां | |
| ता | म | नू | न | न | व | यौ | व | न | यो | गः | |
| तं | पु | न | र्म | क | र | के | त | न | ल | क्ष | |
| क्ष्मी | स्तां | म | दो | द | यि | त | सं | ग | म | भू | षः |
| र | न | भ | ग | ग | |||||||
About
Sanskrit Sahitya is a free, open-access digital library of classical Sanskrit literature with AI-powered tools and translations.