कुर्वता मुकुलिताक्षियु-
गानामङ्गसादमवसादितवगचाम् ।
ईर्ष्ययेव हरता ह्रिय-
मासां तद्गुणः स्वयमकारि मदेन ॥

मल्लिनाथः कुर्वतेति ॥ मुकुलिताक्षियुगानामवसादितवाचां कुण्ठितगिरामासां स्त्रीणां अङ्गसादं अङ्गसादरूपशरीरनिश्चेष्टतां कुर्वता ह्रियं हरता मदेन ईर्ष्ययेवेत्युत्प्रेक्षा । तस्या ह्रियो गुणस्तद्गुणः अक्षिनिमीलनवाक्सादाङ्गसादरूपः । स्वयमकारि कृतः । ह्रीमदयोस्तुल्यानुभाविकत्वादिति भावः

छन्दः आर्यागीतिः []

छन्दोविश्लेषणम्