मल्लिनाथः
आगतानिति ॥ आगतान् स्वयंप्राप्तान् तथाप्यगणिताश्च ते प्रतियाताश्चेति । स्नातानुलिप्त इतिवत्पूर्वकाले समासः । तान्वल्लभानभिसिसारयिषूणां संप्रति चन्द्रोदये स्वयमेवाभिसारयितुमभिसर्तुमिच्छूनाम् । अभिसारयतेः स्वार्थण्यन्तात्सन्नन्तादुप्रत्ययः । सुभ्रुवां स्त्रीणां चेतसि सविप्रतिसारे कष्टमस्माभिरकार्यं कृतमिति पश्चात्तापयुक्ते सति । `पश्चात्तापोऽनुतापश्च विप्रतीसार इत्यपि` इत्यमरः । सरकेण मधुना मधुपानेन वा । `सरकं शीधुपात्रे स्याच्छीधुपाने च शीधुनि` इति विश्वः । अवसरः प्रापि प्राप्तः । स्वयं गमनसौकर्याय मधुपानं चक्रुरित्यर्थः । अत्राभिसारणस्य पश्चात्तापकरणकस्य मदयोगात्सौकर्योक्तेः समाध्यलंकारः। `समाधिः सुकरं कार्यं कारणान्तरयोगतः` इति काव्यप्रकाशे
छन्दः
स्वागता [११: रनभगग]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ |
|---|---|---|---|---|---|---|---|---|---|---|
| आ | ग | ता | न | ग | णि | त | प्र | ति | या | ता |
| न्व | ल्ल | भा | न | भि | सि | सा | र | यि | षू | णाम् |
| प्रा | पि | चे | त | सि | स | वि | प्र | ति | सा | रे |
| सु | भ्रु | वा | म | व | स | रः | स | र | के | ण |
| र | न | भ | ग | ग | ||||||
Other texts to read
About
Sanskrit Sahitya is a free, open-access digital library of classical Sanskrit literature with AI-powered tools and translations.