स्वयं विधाता सुरदैत्यरक्षसा-
मनुग्रहावग्रहयोर्यदृच्छया ।
दशाननादीनभिराद्धदैवता-
वितीर्णवीर्यातिशयान्हसत्यसौ ॥

मल्लिनाथः स्वयमिति ॥ यदृच्छया स्वेच्छया स्वयं सामर्थेन । न तु देवताप्रसादबलादिति भावः । सुरदैत्यरक्षसां देवदानवयातुधानानां अनुग्रहावग्रहयोः प्रसादनिग्रहयोर्विधाता कर्ता असौ शिशुपालः अभिराद्धाभिराराधिताभिः, देवताभिरीश्वरादिभिः वितीर्णो दत्तो वीर्यातिशयः प्रभावातिशयो येषां तान् दशाननादीन् हसति ।अनन्यप्रसादलब्धैश्वर्ये मयि कथं याचकैस्तुल्यतेति गर्वात् हसतीत्यर्थः

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
स्व	यं	वि	धा	ता	सु	र	दै	त्य	र	क्ष	सा
म	नु	ग्र	हा	व	ग्र	ह	यो	र्य	दृ	च्छ	या
द	शा	न	ना	दी	न	भि	रा	द्ध	दै	व	ता
वि	ती	र्ण	वी	र्या	ति	श	या	न्ह	स	त्य	सौ
ज			त			ज			र

Other texts to read

महाभारतम् वेदव्यासः

नैषधीयचरितम् श्रीहर्षः

About

Resources

Connect