विहङ्गराजाङ्गरुहैरिवायतै-
र्हिरण्मयोर्वीरुहवल्लितत्नुभिः ।
कृतोपवीतं हिमशुभ्रमुच्चकै-
र्घनं घनान्ते तटितां गणैरिव ॥

मल्लिनाथः विहंगेति ॥ पुनः । विहंगराजाङ्गरुहैरिव गरुत्मल्लोमतुल्यैरायतैर्दीधैः। हिरण्यस्य विकारो हिरण्मयी । `दाण्डिनायन-` (अष्टाध्यायी ६.४.१७४ ) इत्यादिना मयटि यलोपनिपातः । तस्यामुया॑ रुहा रूढाः । इगुपधालक्षणः कप्रत्ययः । तासां वल्लीनां तन्तुभिस्तत्तुल्यैः सूक्ष्मावयवैः । उपादानगुणात् । हिरण्मयैः कृतोपवीतं शोभार्थं कल्पितयज्ञसूत्रं स्वयं हिमशुभ्रम् । अत एव घनान्ते शरदि तडितां गणैरुपलक्षितम् । `तडित्सौदामनी विद्युत्` इत्यमरः । उच्चैरेवोच्चकैरुन्नतं धनं मेघमिव स्थितम्

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
वि	ह	ङ्ग	रा	जा	ङ्ग	रु	है	रि	वा	य	तै
र्हि	र	ण्म	यो	र्वी	रु	ह	व	ल्लि	त	त्नु	भिः
कृ	तो	प	वी	तं	हि	म	शु	भ्र	मु	च्च	कै
र्घ	नं	घ	ना	न्ते	त	टि	तां	ग	णै	रि	व
ज			त			ज			र

Other texts to read

योगवासिष्ठम् वाल्मीकिः

किरातार्जुनीयम् भारविः

About

Resources

Connect