तदीयमातङ्गघटाविघट्टितैः
कटस्थलप्रोषितदानवारिभिः ।
गृहीतदिक्कैरपुनर्निवर्तिभि-
श्चिराय याथार्थ्यमलम्बि दिग्गजैः ॥

मल्लिनाथः तदीयेति ॥ तदीयमातङ्गानां घटाभिर्व्यूंहैः विघट्टितैरभिहतैः । `करिणां घटना घटा` इत्यमरः । अत एव कटस्थलेभ्यः प्रोषितान्यपगतानि दानवारीणि येषां तैः। गृहीताः पलाय्य संश्रिता दिशो यैस्तैर्गृहीतदिक्कैः। शेषाद्विभाषा` (अष्टाध्यायी ५.४.१५४ ) इति कप् । अपुनर्निवर्तिभिर्भयात्तत्रैव स्थितैर्दिग्गजैः चिराय याथार्थ्यं दिक्षु स्थिता गजा दिग्गजा इत्यनुगतार्थनामकत्वमलम्भि लब्धम् । लभेर्ण्यन्तात् कर्मणि लुङ् । `विभाषा चिण्णमुलोः` (अष्टाध्यायी ७.१.६९ ) इति विकल्पान्नुमागमः

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
त	दी	य	मा	त	ङ्ग	घ	टा	वि	घ	ट्टि	तैः
क	ट	स्थ	ल	प्रो	षि	त	दा	न	वा	रि	भिः
गृ	ही	त	दि	क्कै	र	पु	न	र्नि	व	र्ति	भि
श्चि	रा	य	या	था	र्थ्य	म	ल	म्बि	दि	ग्ग	जैः
ज			त			ज			र

Other texts to read

कुमारसंभवम् कालिदासः

नैषधीयचरितम् श्रीहर्षः

About

Resources

Connect