तिरस्कृतस्तस्य जनाभिभाविना
मुहुर्महिम्ना महसां महीयसां ।
बभार बाष्पैर्द्वगुणीकृतं तनु-
तनूनपाद्धूममवितानमाधिजैः ॥
तिरस्कृतस्तस्य जनाभिभाविना
मुहुर्महिम्ना महसां महीयसां ।
बभार बाष्पैर्द्वगुणीकृतं तनु-
तनूनपाद्धूममवितानमाधिजैः ॥
मुहुर्महिम्ना महसां महीयसां ।
बभार बाष्पैर्द्वगुणीकृतं तनु-
तनूनपाद्धूममवितानमाधिजैः ॥
मल्लिनाथः
तिरस्कृत इति ॥ किंच तस्य रावणस्य जनाभिभाविना लोकतिरस्कारिणा महीयसामतिमहतां महसां तेजसा महिम्ना महत्त्वेन । `पृथ्वादिभ्य इमनिज्वा` (५।१। १२२) इतीमनिच् । मुहुस्तिरस्कृतः अत एव तनुः कृशः । तनुं न पातयति जाठररूपेण शरीरं धारयतीति तनूनपादग्निरिति स्वामी । `नभ्राट्-` (६।३। ७५) इत्यादिसूत्रेण निपातनान्नञो लोपाभावः । आधिजैर्दुःखोत्थैर्बाष्पैः निःश्वासोष्मभिः । `बाष्पो नेत्रजलोष्मणोः`, `पुंस्याधिर्मानसी व्यथा` इति विश्वामरौ । द्वौ गुणावावृत्ती यस्य स द्विगुणः । ततश्चिवः । द्विगुणीकृतं द्विरावृत्तम् । `गुणस्त्वावृत्तिशब्दादिज्येन्द्रियामुख्यतन्तुषु` इति वैजयन्ती । धूमवितानं धूममण्डलं बभार । अग्निरपि तत्संनिधौ निस्तेजस्को धूमायमान आस्त इत्यर्थः । धूमद्वैगुण्यासंबन्धे संबन्धाभिधानादतिशयोक्तिः
छन्दः
वंशस्थम् [१२: जतजर]
छन्दोविश्लेषणम्
| १ | २ | ३ | ४ | ५ | ६ | ७ | ८ | ९ | १० | ११ | १२ | १३ |
|---|---|---|---|---|---|---|---|---|---|---|---|---|
| ति | र | स्कृ | त | स्त | स्य | ज | ना | भि | भा | वि | ना | |
| मु | हु | र्म | हि | म्ना | म | ह | सां | म | ही | य | सां | |
| ब | भा | र | बा | ष्पै | र्द्व | गु | णी | कृ | तं | त | नु | |
| त | नू | न | पा | द्धू | म | म | वि | ता | न | मा | धि | जैः |
| ज | त | ज | र | |||||||||
About
Sanskrit Sahitya is a free, open-access digital library of classical Sanskrit literature with AI-powered tools and translations.