रणेषु तस्य प्रहिताः प्रचेतसा
सरोषहुङ्कारपराङ्मुखीकृताः ।
प्रहर्तुरेवोरगराजरज्जवो
जवेन कण्ठं सभयाः प्रपेदिरे ॥

मल्लिनाथः रणेष्विति ॥ किंच रणेषु प्रचेतसा वरुणेन प्रहिताः प्रयुक्ता उरगराजा महासर्पास्ते रज्जव इव उरगराजरज्जवः । नागपाशा इत्यर्थः । तस्य रावणस्य सरोषहुंकारेण पराङ्मुखीकृता व्यावर्तिताः । अत एव सभयाः सत्यः जवेन वेगेन प्रहर्तुः प्रयोक्तुः प्रचेतस एव कण्ठं प्रपेदिरे प्राप्ताः । अत्र परहिंसाप्रयुक्तस्यायुधस्य वैपरीत्येन स्वकण्ठग्रहणादनर्थोत्पत्तिरूपो विषमालंकारः । `विरुद्धकार्यस्योत्पत्तिर्यत्रानर्थस्य वा भवेत्` इति लक्षणात्

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
र	णे	षु	त	स्य	प्र	हि	ताः	प्र	चे	त	सा
स	रो	ष	हु	ङ्का	र	प	रा	ङ्मु	खी	कृ	ताः
प्र	ह	र्तु	रे	वो	र	ग	रा	ज	र	ज्ज	वो
ज	वे	न	क	ण्ठं	स	भ	याः	प्र	पे	दि	रे
ज			त			ज			र

Other texts to read

महाभारतम् वेदव्यासः

रामायणम् वाल्मीकिः

About

Resources

Connect