समत्सरेणासुर इत्युपेयुषा
चिराय नाम्नः प्रथमाभिधेयतां ।
भयस्यपूर्वावतरस्तरस्विना
मनस्तु येन द्युसदां न्यधीयत ॥

मल्लिनाथः समत्सरेणेति ॥ समत्सरेण अन्यशुभद्वेषसहितेन । `मत्सरोऽन्यशुभद्वेषे` इत्यमरः । अस्यतीत्यसुरः । असेरुरन् । असुर इति नाम्नः चिराय चिरकालेन `चिराय चिररात्राय चिरस्याद्याश्चिरार्थकाः` इत्यमरः । प्रथमाभिधेयतामुपेयुषा अन्वर्थतया मुख्यार्थतां गतेन तरस्विना बलवता । `तरसी बलरंहसी` इति विश्वः । येन हिरण्यकशिपुना दिवि सीदन्तीति द्युसदां देवानां मनस्सु भयस्य पूर्वावतरः प्रथमप्रवेशः । `ॠदोरप्` (अष्टाध्यायी ३.३.५७ ) । न्यधीयत निहितः । धाञः कर्मणि लिङ् । अस्मादेव देवानां प्रथमं भयस्योत्पत्तिरभूदित्यर्थः

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
स	म	त्स	रे	णा	सु	र	इ	त्यु	पे	यु	षा
चि	रा	य	ना	म्नः	प्र	थ	मा	भि	धे	य	तां
भ	य	स्य	पू	र्वा	व	त	र	स्त	र	स्वि	ना
म	न	स्तु	ये	न	द्यु	स	दां	न्य	धी	य	त
ज			त			ज			र

Other texts to read

भट्टिकाव्यम् भट्टिः

किरातार्जुनीयम् भारविः

About

Resources

Connect