निवेशयामासिथ हेलयोद्धृतं
फणाभृतां छादनमेकमोकसः ।
जगतैकस्थपतिस्त्वमुच्चकै-
रहीश्वरस्तम्भशिरःसुभूतलम् ॥

मल्लिनाथः निवेशयामासिथेति ॥ जगत्रयस्यैकस्थपतिरेकाधिपतिरेकशिल्पी च । `स्थपतिरधिपतौ तक्ष्णि बृहस्पतिसचिवयोः` इति वैजयन्ती । त्वं हेलयोद्धृतम् । वराहावतारे इति भावः । फणाभृतामोकस आश्रयस्य, सद्मनश्च । `ओकः सद्मनि चाश्रये` इति विश्वः । एकं छादनमावरणं भूतलमुच्चकैरुन्नतेषु च अहीश्वरः शेष एव स्तम्भस्तस्य शिरःसु मूर्धसु, अग्रेषु च । फणासहस्रेष्विति भावः । निवेशयामासिथ निवेशितवानसि । विशतेर्ण्यन्ताल्लिटि थल् । `कृञ्चानुप्रयुज्यते लिटि` (अष्टाध्यायी ३.१.४० ) इत्यस्तेरनुप्रयोगः। अत्र श्लिष्टाश्लिष्टरूपकयोहेतुहेतुमद्भावात् श्लिष्टं परम्परितरूपकम्

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
नि	वे	श	या	मा	सि	थ	हे	ल	यो	द्धृ	तं
फ	णा	भृ	तां	छा	द	न	मे	क	मो	क	सः
ज	ग	तै	क	स्थ	प	ति	स्त्व	मु	च्च	कै
र	ही	श्व	र	स्त	म्भ	शि	रः	सु	भू	त	लम्
ज			त			ज			र

निवेशयामासिथ हेलयोद्धृतं
फणाभृतां छादनमेकमोकसः ।
जगतैकस्थपतिस्त्वमुच्चकै-
रहीश्वरस्तम्भशिरःसुभूतलम् ॥

Other texts to read

नैषधीयचरितम् श्रीहर्षः

महाभारतम् वेदव्यासः

About

Resources

Connect

निवेशयामासिथ हेलयोद्धृतंफणाभृतां छादनमेकमोकसः ।जगतैकस्थपतिस्त्वमुच्चकै-रहीश्वरस्तम्भशिरःसुभूतलम् ॥

Other texts to read

नैषधीयचरितम् श्रीहर्षः

महाभारतम् वेदव्यासः

About

Resources

Connect

निवेशयामासिथ हेलयोद्धृतं
फणाभृतां छादनमेकमोकसः ।
जगतैकस्थपतिस्त्वमुच्चकै-
रहीश्वरस्तम्भशिरःसुभूतलम् ॥