इतिब्रुवन्तंउवाच स व्रती
न वाच्यमित्थं पुरुषोत्तम त्वया ।
त्वमेव साक्षात्करणीय इत्यतः
किमस्ति कार्यं गुरु योगिनामपि ॥

मल्लिनाथः इति ब्रुवन्तमिति ॥ इति बुवन्तं तं हरिं स व्रती मुनिरुवाच । किमिति । हे पुरुषोत्तम पुरुषेषु श्रेष्ठ । `न निर्धारणे` इति षष्ठीसमासप्रतिषेधः । त्वया इत्थं `गतस्पृहोऽपि` इति न वाच्यम् । निस्पृहस्याप्यत्र प्रयोजनसंभवादिति भावः । तदेवाह । योगिनामपि त्वमेव साक्षात्करणीयः प्रत्यक्षीकर्तव्य इत्यतोऽस्मादन्यद्गुरु कार्यं किमस्ति । न किंचिदित्यर्थः । तस्मान्न प्रयोजनान्तरप्रश्नावकाश इति भावः

छन्दः वंशस्थम् [१२: जतजर]

छन्दोविश्लेषणम्

१	२	३	४	५	६	७	८	९	१०	११	१२
इ	ति	ब्रु	व	न्तं	उ	वा	च	स	व्र	ती
न	वा	च्य	मि	त्थं	पु	रु	षो	त्त	म	त्व	या
त्व	मे	व	सा	क्षा	त्क	र	णी	य	इ	त्य	तः
कि	म	स्ति	का	र्यं	गु	रु	यो	गि	ना	म	पि
ज			त			ज			र

Other texts to read

नैषधीयचरितम् श्रीहर्षः

भट्टिकाव्यम् भट्टिः

About

Resources

Connect